სტივ ჯობსის გარდაცვალებიდან 10 წლის თავზე Apple–მა მოკლემეტრაჟიანი ფილმი გამოაქვეყნა

დღეს Apple-ის ვებ–გვერდი განსხვავებულად გამოიყურება. სტივ ჯობსის გარდაცვალებიდან 10 წლისთავზე, Apple-მა მოკლემეტრაჟიანი ვიდეორგოლი გამოაქვეყნა, რომელიც მთლიანად მისი ფრაზებითა და პროდუქციის წარდგენის ცერემონიებიდან ამოჭრილი ფრაგმენტებითაა შედგენილი.

”ცხოვრების პერსპექტივა გაცილებით ფართოვდება, როდესაც ერთ უბრალო ფაქტს აღმოაჩენ”, – ამბობს ჯობსი ვიდეოში. “და ეს არის ის, რომ ყველაფერი, რაც შენ ირგვლივაა და რასაც შენს ცხოვრებას უწოდებ, იმ ადამიანების მიერ არის შექმნილი, რომლებიც შენზე ჭკვიანები სულაც არ არიან. შენც შეგიძლია, შეცვალო. შენც შეგიძლია, გავლენა მოახდინო. შენ შეგიძლია, შექმნა რაღაც, რასაც სამომავლოდ სხვა ადამიანები გამოიყენებენ.”

ვიდეო მელანქოლიური საფორტეპიანო მუსიკითაა გაფორმებული და თან ახალგაზრდა სტივ ჯობსის შავ-თეთრი ფოტოები ახლავს. მოკლემეტრაჟიანი ფილმის ქვემოთ ჯობსის ოჯახის მიმართვაც არის განთავსებული:

“სტივის ყველა საჩუქარს შორის უმთავრესი იყო მისი სიძლიერე, რათა გაეძლო, როგორც მასწავლებელს. მან გვასწავლა, ვიყოთ ღია მსოფლიოსათვის, მისი მშვენიერებისთვის, ვიყოთ ცნობისმოყვარე ახალი იდეებისთვის, გვაინტერესებდეს, რა ხდება ჩვენს წინ და ნებისმიერ კუთხეში და, რაც მთავარია, დავრჩეთ თავმდაბალნი დამწყებთათვის.”

Apple-ის დამფუძნებელი 2011 წლის 5 ოქტომბერს პანკრეასის კიბოთი გარდაიცვალა. მის სახელს ისეთი პროდუქტები უკავშრდება, როგორიცაა iPhone, iPad და Mac OS X.

No Comments Yet

Leave a Reply

Your email address will not be published.