თიბისი ტექნოლოგიური პროექტის DATA BOOTCAMP-ის მხარდამჭერია

თიბისის განათლების პროგრამის მხარდაჭერით და საქართველოს ინოვაციების და ტექნოლოგიების სააგენტოს (GITA) ორგანიზებით, 10-17 ივლისს, გურჯაანში DATA BOOTCAMP ტარდება.

პროექტი, ხელოვნური ინტელექტით დაინტერესებულ 15 წელს ზემოთ ახალგაზრდებს, შესაძლებლობას აძლევს, კვირეულის ფარგლებში დაესწრონ AI, ML, Computer Vision-ის ინტენსიურ ტრენინგებს და გაიღრმაონ ცოდნა ამ მიმართულებით.

17 ივლისს შემაჯამებელი დემო დღე გაიმართება, სადაც მონაწილეები პრეზენტაციებს წარადგენენ და გამარჯვებულები გამოვლინდებიან. მონაწილეებს მასაჩუსეტსის ტექნოლოგიის ინსტიტუტის (MIT) დოქტორანტურისა და მაგისტრატურის სტუდენტების მიერ გადამზადებული ქართველი წამყვანი სპეციალისტები შეაფასებენ.

თიბისის მხრიდან, მონაწილეებს, MLOps ინჟინერი ჯულია შავკაციშვილი შეაფასებს. გამარჯვებულები, თიბისის Data Academy-ს ფარგლებში, მონაცემთა დამუშავების, პრაქტიკული გადამზადების ორ კვირიან კურსებს გაივლიან.

DATA BOOTCAMP გურჯაანში, ზუგდიდში, ბათუმსა და თბილისი ეტაპობრივად ოთხი თვის განმავლობაში ჩატარდება და ჯამში 150-ამდე ახალგაზრდა მონაწილეს უმასპინძლებს.

თიბისისთვის ახალი თაობის მხარდაჭერა და ხარისხიან განათლებაზე ხელმისაწვდომობა კორპორაციული სოციალური პასუხისმგებლობის მთავარი მიმართულებაა. თიბისი, როგორც ტექნოლოგიური კომპანია, Data Bootcamp-ის მხარდაჭერით, მიზნად ისახავს ტექ ეკოსისტემის განვითარების ხელშეწყობას, კომუნაში ტექნოლოგიურ საკითხებთან დაკავშირებით ცნობადობის ამაღლებას და მომავალ თაობაში ტექნოლოგიურ სფეროში თეორიული და პრაქტიკული ცოდნის გაღრმავებს.

1 Comment
  1. Do you mind if I quote a couple of your articles as long as I provide credit and sources back to your site? My website is in the exact same area of interest as yours and my users would definitely benefit from a lot of the information you provide here. Please let me know if this okay with you. Thanks!

Leave a Reply

Your email address will not be published.