მატილდა გვარლიანი Models.com-ის მკითხველმა წლის „ამომავალ ვარსკვლავად“ დაასახელა

Models.com-ის მკითხველის რჩეული წელს კატეგორიაში – „ამომავალი ვარსკვლავი“ – ქართველი მოდელი, მატილდა გვარლიანი გახდა. აღსანიშნავია, რომ პლატფორმამ 2022 წლის გამორჩეული მოდელები ქალთა და მამაკაცთა შორის, შვიდ სხვადასხვა კატეგორიაში გამოავლინა.

©ELLEN VON UNWERTH, VOGUE NETHERLANDS, DECEMBER 2022

მატილდა გვარლიანი მოდის ინდუსტრიაში პირველად 2018 წელს გამოჩნდა, თბილისის Mercedes Benz-ის მოდის კვირეულზე. მისთვის წლევანდელი წელი განსაკუთრებით წარმატებული აღმოჩნდა. მატილდა ნიდერლანდური Vogue-ის დეკემბრის ნომრის ყდაზე მოხვდა. ის ცნობილი ფოტოგრაფის, ელენ ფონ უნვერტის ობიექტივში მოექცა.

გარდა ამისა, ქართველმა მოდელმა 2022 წელს ასევე ითანამშრომლა ისეთ ცნობილ ბრენდებთან, როგორებიცაა: Fendi, Calvin Klein, Ralph Lauren, Chanel და Zara.  

No Comments Yet

Leave a Reply

Your email address will not be published.