ქალთა საფეხბურთო გუნდი გურიიდან უეფას ჩემპიონთა ლიგაში ითამაშებს

რუმინული კლუჟის „ოლიმპია“ დამარცხების შემდეგ, საქართველოს ეროვნული ჩემპიონატის ქალთა ლიგის 2019 წლის ჩემპიონი „ლანჩხუთი“ უეფას ჩემპიონთა ლიგაზე იასპარეზებს.

მეორე საკვალიფიკაციო ეტაპის შეხვედრაში ლანჩხუთელებმა სტუმრად რუმინული კლუჟის „ოლიმპია“ ანგარიშით – 1:0 დაამარცხეს და ქართული ფეხბურთის ისტორიაში პირველად ჩემპიონთა ლიგის ფინალურ ეტაპზე ასპარეზობის უფლება მოიპოვეს. მატჩის ერთადერთი გოლი 68-ე წუთზე ხატია ჭყონიამ გაიტანა.

„ლანჩხუთის მომავალი მეტოქე 24 ნოემბერს დაგეგმილ 1/16 ფინალური ეტაპის წილისყრაზე გაირკვევა. 2020-2021 წლების სეზონის ქალთა ჩემპიონთა ლიგის ფინალური ეტაპის პირველი მატჩები 9-10 დეკემბერს და 15-16 დეკემბერსაა დაგეგმილი,“ – ვკითხულობთ ფეხბურთის ფედერაციის ოფიციალურ განცხადებაში.

No Comments Yet

Comments are closed