ბილ გეითსის ვარაუდით, საქმიანი ტურიზმი 50%-ით შემცირდება

Microsoft-ის თანადამფუძნებლის, ბილ გეითსის თქმით, პანდემიის შემდეგ საქმიანი ტურიზმი 50%-ით შემცირდება, ხოლო არადისტანციური სამუშაო დრო 30%-მდე მაინც.

Photo Credits to Jeff Pachoud/AFP

მისი განცხადებით, მომავალში საქმიანი შეხვედრების დაგეგმვამდე, კომპანიები აუცილებლად დაფიქრდებიან მათი დისტანციურად ჩატარების ალტერნატივაზე და ამის დასადასტურებლად წლის განმავლობაში გამართული ფორუმები მოჰყავს, რომელთაც როგორც წესი აქამდე ნიუ-იორკში ატარებდნენ. თუმცა, რა თქმა უნდა, არსებობს კომპანიები, რომელთაც ფიზიკურად შეხვედრების ჩატარებაზე უარის თქმა გაუჭირდებათ.

ერთ-ერთ პოდკასტში საუბრისას, ბილ გეითსმა აღნიშნა, რომ მისი განრიგი ბევრად გამარტივდა, რადგან პანდემიის გამო საქმიანი შეხვედრებისთვის გამგზავრება არ უწევს.

CNBC-ის თანახმად, პანდემიამ საავიაციო ბიზნესი დიდი დანაკარგის წინაშე დააყენა. განსაკუთრებული ზიანი კი ამერიკულ ავიაკომპანიებს ბიზნეს ტურიზმის შეფერხებამ მიაყენა, გამომდინარე იქიდან, რომ შემოსავლის თითქმის ნახევარს ამ უკანასკნელით გამოიმუშავებდნენ.

No Comments Yet

Comments are closed