დედოფლის 94-ე დაბადების დღეზე სამეფო ოჯახი მისი ბავშვობის ვიდეოს ასაჯაროებს

დიდი ბრიტანეთისა და ჩრ. ირლანდიის გაერთიანებული სამეფოს მმართველის, დედოფალ ელისაბედ II-ის დაბადების დღე კორონავირუსით გამოწვეული პანდემიის გამო წელს ტრადიციულად არ აღინიშნა.

სამეფო ოჯახის ოფიციალური ტვიტერის გვერდზე 21 აპრილს, დედოფლის 94-ე დაბადების დღის აღსანიშნავად გამოაქვეყნდა ვიდეო კადრები სამეფო კოლექციიდან, რომელზეც ელისაბედ II-ის ბავშვობაა აღბეჭდილი.

მეფობის 68 წლის მანძილზე პირველად დედოფლის დაბადების დღესთან დაკავშირებით არც ერთი ღონისძიება არ ჩატარდა. ბუკინგემის სასახლის მიერ გავრცელებულ განცხადებაში აღნიშნულია, რომ დედოფალი მიიჩნევს, რომ ახლა ამისთვის შეუფერებელი დროა.

No Comments Yet

Leave a Reply

Your email address will not be published.