მოდის სახლი Burberry კორონავირუსის ვაქცინაზე მიმდინარე კვლევებს დააფინანსებს

მოდის ძვირადღირებული ბრენდი Burberry კორონავირუსის წინააღმდეგ ბრძოლაში ერთვება. ბრიტანული მოდის სახლი ოქსფროდის უნივერსიტეტში მიმდინარე კორონავირუსის ვაქცინის კვლევას დააფინანსებს.

„უნივერსიტეტს მსოფლიოში საუკეთესო მონაცემები აქვს ვირუსის ვაქცინის განვითარებაში, მომავალი თვითან კი COVID-19-ისთვის შექმნილი ვაქცინა ემზადება ადამიანებზე გამოსაცდელად“, – ვკითხულობთ ბრენდის მიერ Instagram-ით გავრცელებულ პოსტში.

მიუხედავად იმისა, რომ უნივერსიტეტისათვის გადაცემული თანხის ზუსტი რაოდენობა არ გასაჯაროებულა, ოქსფორდის უნივერსიტეტის სამედიცინო მეცნიერებათა მიმართულების ხელმძღვანელის, გავინ სკრიტონის განაცხადებით, Burberry-ის გულუხვი შემოწირულობა ძალიან დაეხმარებათ უნივერსიტეტში კვლევის გასაგრძელებლად.

Burberry-მ ასევე დაანონსა, რომ იგი თავის საერთაშორისო ქსელს გამოიყენებს, რათა 100 000 ქირურგიული ნიღაბი დაამზადოს და მიაწოდოს მედიკოსებს. ამასთანავე, კომპანია გეგმავს, გადააწყოს იორკშირის ატელიე სამედიცინო ხალათებისა და კოსტუმების დასამზადებლად.

No Comments Yet

Leave a Reply

Your email address will not be published.