Foreign Policy-ის ცნობით, ჩინეთის ერთ-ერთი უნივერსიტეტის მონაცემთა ბაზიდან ინფორმაციამ გაჟონა – ქვეყანას COVID-19-ით ინფიცირების მინიმუმ 640,000 შემთხვევა ჰქონდა. ეს რიცხვი გაცილებით მაღალია პეკინის მიერ ოფიციალურად დასახელებულ მონაცემებზე, რომლის მიხედვითაც ჩინეთში კორონავირუსის შემთხვევათა რაოდენობა ჯამურად 80,000-ს შეადგენს.
ჩინეთის სახელმწიფო თავდაცვის უნივერსიტეტის მიერ შემუშავებული პროგრამა, საიდანაც მონაცემები გამჟღავნდა, ცხადყოფს, რომ კომუნისტური სახელმწიფო მალავს საკითხთან დაკავშირებულ ნამდვილ ინფორმაციას.
ინფიცირებულთა დაფიქსირებისა და გადაადგილების მონაცემებზე დაყრდნობით, შემთხვევათა რაოდენობა 640,000-ზე მეტია, სამოძრაო არეალი კი 230 ქალაქს შემოწერს თებერვლის დასაწყისიდან აპრილის ჩათვლით.
ამერიკული სამთავრობო სააგენტოების მტკიცებით, ჩინეთი არ ასაჯაროებს ნამდვილ მონაცემებს და ართულებს ვირუსის წარმომავლობასთან დაკავშირებულ გამოძიების პროცესს.