ილონ მასკის კომპანიამ Tesla ერთი თვის წინ 1.5 მილიარდი დოლარის ბიტკოინი შეიძინა. სავარაუდოდ, ერთ თვეში ამ ინვესტიციით Tesla-მ უფრო დიდი პოტენციური მოგება მიიღო, ვიდრე მთელი წლის განმავლობაში ელექტრომობილების გაყიდვით.
ტრანზაქცია იანვარში განხორციელდა, თუმცა ზუსტი თარიღი და ფასი უცნობია. ცნობისთვის, იანვარში ბიტკოინის საშუალო ფასი 34,000 დოლარი იყო. მაღალი ალბათობით, Tesla-მ 1.5 მილიარდი დოლარის ღირებულების ბიტკოინი 34,000 დოლარის ფარგლებში შეიძინა.
ამჟამინდელი მონაცემებით, ბიტკოინის ფასი 51,000 დოლარია, რაც იმას ნიშნავს, რომ ბიტკოინის ფასი იანვრის საშუალოდან დღემდე თითქმის 50%-ით გაიზარდა. შესაბამისად, Tesla-ს 1.5 მილიარდიანი ინვესტიციაც 50%-ითაა გაზრდილი, რაც 750 მილიონიან ზრდას გულისხმობს.
2020 წელს კომპანია Tesla-ს შემოსავალი 31.5 მილიარდი დოლარი იყო, აქედან 721 მილიონი დოლარი კი მოგება. სავარაუდოდ, Tesla-მ 1.5 მილიარდი დოლარის ღირებულების ბიტკოინის შეძენით ერთ თვეში უფრო დიდი მოგება მიიღო, ვიდრე მთელი წლის განმავლობაში ელექტრომობილების გაყიდვით.