მალე შესაძლოა Amazon კინოთეატრების ინდუსტრიაშიც ვიხილოთ

მსოფლიოში უმსხვილესი კინოთეატრების ქსელის, AMC-ის აქციების ფასი საგრძნობლად შემცირდა კორონავირუსით გამოწვეული შეზღუდვების პირობებში, თუმცა 30%-ით გაიზარდა მას შემდეგ, რაც გავრცელდა ინფორმაცია Amazon-ის მხრიდან მის შესაძლო შეძენასთან დაკავშირებით.

A view outside AMC -Photo by Noam Galai / Getty Images

AMC-ის ამჟამად 4.9 მილიარდი დოლარის მოცულობის ვალდებულებები აქვს. ანალიტიკოსების აზრით, ამ პირობებში კომპანიის გაკოტრება გარდაუვალია და ეს უბრალოდ დროის საკითხია. ამჟამად AMC-ის ღირებულება 500 მილიონი დოლარის ქვემოთაა. ამ მოცემულობის გათვალისწინებით, Amazon ერთგვარ მხსნელადაც კი შეიძლება მოვიაზროთ.

Amazon-სთვის მსგავსი კაპიტალდაბანდებები არაა ახალი ხილი და უნდა აღინიშნოს, რომ ეს პროექტი ასე თუ ისე, წარმატების მომტანიც კი შეიძლება აღმოჩნდეს. კომპანიას გააჩნია ე.წ. Prime Video-ს სერვისი, რომელიც ამაზონის „გამომწერებს“ სთავაზობს მის მიერვე წარმოებულ ან ლიცენზირებულ ფილმებსა თუ სხვადასხვა ტიპის ვიდეოებს. ასე რომ კინოთეატრების ქსელის ფლობა დაეხმარება მას Amazon Prime-ისთვის, ერთ-ერთი ყველაზე მომგებიანი ბიზნესისთვის, ახალი ბაზრების ათვისებაში.

თუმცა, ჯერ კიდევ საკითხავია, ნამდვილად აპირებს კი Amazon ასეთი „ძვირი“ ნაბიჯის გადადგმას?!

You have successfully subscribed to the newsletter

რეგისტრაციისას დაფიქსირდა ხარვეზი.

თანახმა ვარ, Forbes Woman Georgia-სგან მივიღო ყოველკვირეული განახლებები.